Makrílaflinn orðinn 115.000 tonn

Makrílvertíðin í ár er nú á lokametrunum. Aflinn er orðinn um 115.000 tonn og eitthvað sennilega eftir í pípunum. Leyfilegur heildarafli nú er 148.235 tonn. Óveidd eru því 33.200 tonn. Að lokinni vertíð í fyrra varð aflinn 129.500 tonn, en leyfilegur heildarafli var 1611.000 tonn.

Þetta verður því annað árið í röð, sem töluvert vantar upp á að makrílkvótinn næst ekki. Þar veldur miklu að makríllinn hefur lítið gengið inn á grunnslóðina og smábátar hafa því lítið getað nýtt sér aflaheimildir sínar.

Fimm skip hafa landað yfir 7.000 tonnum. Börkur NK e þeirra aflahæst með 8.737 tonn. Næst koma Vilhelm Þorsteinsson EA með 7.748 tonn, Venus NS með 7.100 tonn, Barði NK með 7.066 tonn og Aðalsteinn Jónsson SU með 7.060 tonn.